မန်နေဂျာယာဂင်ကလော့ပ်က ဆဲလ်ဘတ်နဲ့ပွဲ ဒုတိယပိုင်းမှာ ဒဏ်ရာရသွားတဲ့ ဗန်ဒိုက်ရဲ့ အခြေအနေကို ပွဲအပြီး ထုတ်ပြောသွားပါတယ်။

ဗန်ဒိုက်ဟာ ပြိုင်ဘက်အသင်း ကစားသမားနဲ့ တိုက်မိခဲ့ပြီး မျက်ခုံးကွဲဒဏ်ရာ ရခဲ့တာပါ။ ချက်ခြင်းပဲ ကွင်းထဲထုတ်ခဲ့ပြီး ဆေးစစ်ရာမှာ သူ့မျက်ခုံးပေါ်မှာ ကျနေတဲ့ သွေးတွေက ပြိုင်ဘက်ရဲ့ သွေးမဟုတ်ဘဲ ဗန်ဒိုက်ရဲ့ သွေးတွေဖြစ်ကြောင်း အသင်းဆေးဆရာဝန်က အတည်ပြုခဲ့ပါတယ်။

လောလောဆယ် ဆေးအဖွဲ့က ဒဏ်ရာကို ပလာစတာ ကပ်ပေးထားကာ အနေအထား စောင့်ကြည့်နေရာမှာ ဗန်ဒိုက်က မြင်ကွင်း ကောင်းကောင်းမြင်နေရတယ်လို့ သိရတယ်။ ဒါပေမယ့် သူရတဲ့ ဒဏ်ရာမျိုးက ရက်အတန်ကြာအောင် ဒဏ်ရာ အယောင်လိုက်လာမှာဖြစ်တယ်။ ဒါကြောင့် အာဆင်နယ်နဲ့ပွဲမှာ ပါဝင်နိုင်ဖို့တော့ ရာနှုန်းပြည့် မသေချာပါဘူး။

မန်နေဂျာကလော့ပ်က ကွန်မြူနတီဒိုင်းပွဲ ဗန်ဒိုက် ပါနိုင်မလား မပြောပေမယ့် ဒဏ်ရာက နောက်ဆက်တွဲ အခြေအနေတွေ ဆက်မရှိနိုင်ဘဲ အခြေအနေကောင်းတယ်လို့ အတည်ပြုပေးပါတယ်။

မန်နေဂျာကလော့ပ်က “ အခုတော့ ဗန်ဒိုက်က မြင်ကွင်းတွေ ကောင်းကောင်းကြည့်လို့ ရနေပါတယ်။ ဒဏ်ရာကိုလည်း ပလာစတာ ကိုင်ပြီးပါပြီ။ ဒဏ်ရာက ပြဿနာ မပေးနိုင်ပါဘူး၊ ပြဿနာ မရှိလောက်တော့ပါဘူး။ ကွင်းထဲမှာတုန်းကတော့ အခြေအနေက မကောင်းပါဘူး။ ဒါပေမယ့် အခုတော့ ပြဿနာမရှိတော့ပါဘူး ” လို့ တုန့်ပြန်ခဲ့ပါတယ်။

လီဗာပူးဗဟိုခံစစ်မှာတော့ ဗန်ဒိုက်နဲ့ ဂိုးမက်စ်တို့က ဒဏ်ရာ ကင်းစင်နေတာပါ။ တတိယခံစစ်မှူးအဖြစ် မာတစ် ရှိနေပေမယ့် ကြံ့ခိုင်မှု ရာနှုန်းပြည့် မကောင်းသေးပါဘူး။ လောလောဆယ်မှာ နေးဖိလစ်ကို စတုတ္ထ ခံစစ်မှူးအဖြစ် သုံးနေတာဖြစ်ကာ ၁၇ နှစ်သား လူငယ်လေး ကိုမူချီရာကိုလည်း နေရာပေးနေသေးတာ ဖြစ်ပါတယ်။

ZAWGYI

မန္ေနဂ်ာယာဂင္ကေလာ့ပ္က ဆဲလ္ဘတ္နဲ႔ပြဲ ဒုတိယပိုင္းမွာ ဒဏ္ရာရသြားတဲ့ ဗန္ဒိုက္ရဲ႕ အေျခအေနကို ပြဲအျပီး ထုတ္ေျပာသြားပါတယ္။

ဗန္ဒိုက္ဟာ ျပိဳင္ဘက္အသင္း ကစားသမားနဲ႔ တိုက္မိခဲ့ျပီး မ်က္ခံုးကြဲဒဏ္ရာ ရခဲ့တာပါ။ ခ်က္ျခင္းပဲ ကြင္းထဲထုတ္ခဲ့ျပီး ေဆးစစ္ရာမွာ သူ႔မ်က္ခံုးေပၚမွာ က်ေနတဲ့ ေသြးေတြက ျပိဳင္ဘက္ရဲ႕ ေသြးမဟုတ္ဘဲ ဗန္ဒိုက္ရဲ႔ ေသြးေတြျဖစ္ေၾကာင္း အသင္းေဆးဆရာဝန္က အတည္ျပဳခဲ့ပါတယ္။

ေလာေလာဆယ္ ေဆးအဖြဲ႔က ဒဏ္ရာကို ပလာစတာ ကပ္ေပးထားကာ အေနအထား ေစာင့္ၾကည့္ေနရာမွာ ဗန္ဒိုက္က ျမင္ကြင္း ေကာင္းေကာင္းျမင္ေနရတယ္လို႔ သိရတယ္။ ဒါေပမယ့္ သူရတဲ့ ဒဏ္ရာမ်ိဳးက ရက္အတန္ၾကာေအာင္ ဒဏ္ရာ အေယာင္လိုက္လာမွာျဖစ္တယ္။ ဒါေၾကာင့္ အာဆင္နယ္နဲ႔ပြဲမွာ ပါဝင္ႏုိင္ဖို႔ေတာ့ ရာႏႈန္းျပည့္ မေသခ်ာပါဘူး။

မန္ေနဂ်ာကေလာ့ပ္က ကြန္ျမဴနတီဒိုင္းပြဲ ဗန္ဒိုက္ ပါႏုိင္မလား မေျပာေပမယ့္ ဒဏ္ရာက ေနာက္ဆက္တြဲ အေျခအေနေတြ ဆက္မရွိႏုိင္ဘဲ အေျခအေနေကာင္းတယ္လို႔ အတည္ျပဳေပးပါတယ္။

မန္ေနဂ်ာကေလာ့ပ္က “ အခုေတာ့ ဗန္ဒိုက္က ျမင္ကြင္းေတြ ေကာင္းေကာင္းၾကည့္လို႔ ရေနပါတယ္။ ဒဏ္ရာကိုလည္း ပလာစတာ ကိုင္ျပီးပါျပီ။ ဒဏ္ရာက ျပႆနာ မေပးႏုိင္ပါဘူး၊ ျပႆနာ မရွိေလာက္ေတာ့ပါဘူး။ ကြင္းထဲမွာတုန္းကေတာ့ အေျခအေနက မေကာင္းပါဘူး။ ဒါေပမယ့္ အခုေတာ့ ျပႆနာမရွိေတာ့ပါဘူး ” လို႔ တုန္႔ျပန္ခဲ့ပါတယ္။

လီဗာပူးဗဟိုခံစစ္မွာေတာ့ ဗန္ဒိုက္နဲ႔ ဂိုးမက္စ္တို႔က ဒဏ္ရာ ကင္းစင္ေနတာပါ။ တတိယခံစစ္မွဴးအျဖစ္ မာတစ္ ရွိေနေပမယ့္ ၾကံ႕ခိုင္မႈ ရာႏႈန္းျပည့္ မေကာင္းေသးပါဘူး။ ေလာေလာဆယ္မွာ ေနးဖိလစ္ကို စတုတၳ ခံစစ္မွဴးအျဖစ္ သံုးေနတာျဖစ္ကာ ၁၇ ႏွစ္သား လူငယ္ေလး ကိုမူခ်ီရာကိုလည္း ေနရာေပးေနေသးတာ ျဖစ္ပါတယ္။