RedBird Capital ဟာ ဥရောပကလပ်တွေကို ဝယ်ယူဖို့ ကြိုးစားနေမှုကို အရှိန်မြင့်တင်နေပြီး စပိန် ဒုတိယတန်းလိဂ်က ရီးရဲလ် ဇာရာဂိုဇာကို ဝယ်ယူနိုင်ဖို့ ကြိုးစားနေပြီဖြစ်ပါတယ်။
စပိန်းသတင်းဌာနတွေရဲ့ ဖော်ပြမှုက အဆိုပါ အမေရိကန် ရင်းနှီးမြုပ်နှံမှု ကုမ္ပဏီဟာ ရေတိုအတွက်ဆိုရင် စပိန်မှာ မြုပ်နှံမှုလုပ်ဖို့ စိတ်ဝင်စားခြင်း မရှိပေမယ့်လည်း ကမ်းလှမ်းမှုတွေ ပေးခဲ့တဲ့ အနေအထားဖြစ်တယ်။ RedBird ဟာ Red Bull ကဲ့သို့သော ဘောလုံးအင်ပါယာတစ်ခုကို ထူထောင်လိုနေကြောင်း ၎င်းတို့ရဲ့ လုပ်ရပ်တွေက သက်သေပြနေခဲ့ပြီးဖြစ်တယ်။
RedBird Capital ဆိုတာက NBA ကြယ်ပွင့် LeBron James ပါဝင်ထားတဲ့ ဓနအင်အားကြီး အမေရိကန် ရင်းနှီးမြုပ်နှံမှု အဖွဲ့ဖြစ်တယ်။ ၎င်းတို့ဟာ မကြာသေးခင်ကပဲ ပရီးမီးယားလိဂ်ကလပ် လီဗာပူးအသင်းရဲ့ ပိုင်ရှင်တွေဖြစ်တဲ့ Fenway Sports Group (FSG) ရဲ့ ရှယ်ယာ ၁၀% ကို ပေါင် ၅၃၃ သန်းပေးပြီး ဝယ်ယူထားပါသေးတယ်။
FSG နဲ့ RedBird Capital တို့ကြား ပူးပေါင်းမှုဟာ Red Bull အဖွဲ့ရဲ့ ဆဲလ်ဘတ်၊ နယူးယောက်နှင့် လိုက်ဇစ် ကလပ်တွေဖြင့် ဘောလုံးကွန်ယက်တစ်ခု ဖွဲ့စည်းထားမှုကဲ့သို့ ဖြစ်လာမယ်။ တနည်းအားဖြင့် မန်စီးတီးအသင်းလို စီးတီးဂရုတစ်ခုပုံစံ ဖြစ်လာမယ်လို့ ယုံကြည်ရပါတယ်။
လီဗာပူးအသင်းရဲ့ တတိယအကြီးဆုံး ရှယ်ယာရှင်ဖြစ်လာတဲ့ RedBird ဟာ မနှစ်ကပဲ လိဂ်တူးကလပ် တူးလော့အသင်းရဲ့ ရှယ်ယာ ၈၅%ကို ပိုင်ဆိုင်ထားသေးတာပါ။ ၎င်းတို့က စပိန်လိဂ်-၂ ဖြစ်တ့ ဇာရာဂိုဇာကို ဝယ်ယူဖို့ ကမ်းလှမ်းခြင်းဟာ ဥရောပကွန်ယက်ကို ပိုကျယ်ပြန့်အောင်နဲ့ ပိုချိတ်ဆက်နိုင်အောင်ဖြစ်လာဖို့ ရှိနေပါတယ်။
RedBird ဟာ ဥရောပမှာ သူတို့ရဲ့ လုပ်နိုင်စွမ်းတွေကို ချပြခြင်း နည်းပါးနေသေးပေမယ့် ၎င်း ရင်းနှီးမြုပ်နှံမှု ကုမ္ပဏီဟာ လော့အိန်ဂျလိစ် အခြေစိုက် ကမ္ဘာအင်အားကြီး အားကစားအေဂျင့်စီကိုလည်း ရှယ်ယာ ၄၀% ထိ ပိုင်ဆိုင်ထားသေးတာဖြစ်တယ်။
လီဗာပူး၊ တူးလော့၊ ဇာရာဂိုဇာတို့ရဲ့ အဓိက ရှယ်ယာရှင်တွေဖြစ်လာချိန်မှာ RedBird ဟာ ကြယ်ပွင့် ကစားသမားတွေအတွက် ရင်းနှီးမြုပ်နှံမှု ကွန်ယက်တွေကို စတင် အသက်သွင်းဖွယ်ရှိပြီး ၎င်းတို့ရဲ့ အဓိက လမ်းကြောင်းကို ချပြသွားမယ်လို့ ယူဆခံနေရတာ ဖြစ်ပါတယ်။
ZAWGYI
RedBird Capital ဟာ ဥေရာပကလပ္ေတြကို ဝယ္ယူဖို႔ ၾကိဳးစားေနမႈကို အရွိန္ျမင့္တင္ေနျပီး စပိန္ ဒုတိယတန္းလိဂ္က ရီးရဲလ္ ဇာရာဂိုဇာကုိ ဝယ္ယူႏုိင္ဖို႔ ၾကိဳးစားေနျပီျဖစ္ပါတယ္။
စပိန္းသတင္းဌာနေတြရဲ႕ ေဖာ္ျပမႈက အဆိုပါ အေမရိကန္ ရင္းႏွီးျမဳပ္ႏွံမႈ ကုမၸဏီဟာ ေရတိုအတြက္ဆိုရင္ စပိန္မွာ ျမဳပ္ႏွံမႈလုပ္ဖို႔ စိတ္ဝင္စားျခင္း မရွိေပမယ့္လည္း ကမ္းလွမ္းမႈေတြ ေပးခဲ့တဲ့ အေနအထားျဖစ္တယ္။ RedBird ဟာ Red Bull ကဲ့သို႔ေသာ ေဘာလံုးအင္ပါယာတစ္ခုကို ထူေထာင္လိုေနေၾကာင္း ၄င္းတို႔ရဲ႕ လုပ္ရပ္ေတြက သက္ေသျပေနခဲ့ျပီးျဖစ္တယ္။
RedBird Capital ဆိုတာက NBA ၾကယ္ပြင့္ LeBron James ပါဝင္ထားတဲ့ ဓနအင္အားၾကီး အေမရိကန္ ရင္းႏွီးျမဳပ္ႏွံမႈ အဖြဲ႔ျဖစ္တယ္။ ၄င္းတို႔ဟာ မၾကာေသးခင္ကပဲ ပရီးမီးယားလိဂ္ကလပ္ လီဗာပူးအသင္းရဲ႕ ပိုင္ရွင္ေတြျဖစ္တဲ့ Fenway Sports Group (FSG) ရဲ႕ ရွယ္ယာ ၁၀% ကို ေပါင္ ၅၃၃ သန္းေပးျပီး ဝယ္ယူထားပါေသးတယ္။
FSG နဲ႔ RedBird Capital တို႔ၾကား ပူးေပါင္းမႈဟာ Red Bull အဖြဲ႔ရဲ႕ ဆဲလ္ဘတ္၊ နယူးေယာက္ႏွင့္ လိုက္ဇစ္ ကလပ္ေတြျဖင့္ ေဘာလံုးကြန္ယက္တစ္ခု ဖြဲ႔စည္းထားမႈကဲ့သို႔ ျဖစ္လာမယ္။ တနည္းအားျဖင့္ မန္စီးတီးအသင္းလို စီးတီးဂရုတစ္ခုပံုစံ ျဖစ္လာမယ္လို႔ ယံုၾကည္ရပါတယ္။
လီဗာပူးအသင္းရဲ႕ တတိယအၾကီးဆံုး ရွယ္ယာရွင္ျဖစ္လာတဲ့ RedBird ဟာ မႏွစ္ကပဲ လိဂ္တူးကလပ္ တူးေလာ့အသင္းရဲ႕ ရွယ္ယာ ၈၅%ကို ပိုင္ဆိုင္ထားေသးတာပါ။ ၄င္းတို႔က စပိန္လိဂ္-၂ ျဖစ္တ့ ဇာရာဂိုဇာကို ဝယ္ယူဖို႔ ကမ္းလွမ္းျခင္းဟာ ဥေရာပကြန္ယက္ကို ပိုက်ယ္ျပန္႔ေအာင္နဲ႔ ပိုခ်ိတ္ဆက္ႏုိင္ေအာင္ျဖစ္လာဖို႔ ရွိေနပါတယ္။
RedBird ဟာ ဥေရာပမွာ သူတို႔ရဲ႕ လုပ္ႏုိင္စြမ္းေတြကို ခ်ျပျခင္း နည္းပါးေနေသးေပမယ့္ ၄င္း ရင္းႏွီးျမဳပ္ႏွံမႈ ကုမၸဏီဟာ ေလာ့အိန္ဂ်လိစ္ အေျခစိုက္ ကမၻာအင္အားၾကီး အားကစားေအဂ်င့္စီကိုလည္း ရွယ္ယာ ၄၀% ထိ ပိုင္ဆိုင္ထားေသးတာျဖစ္တယ္။
လီဗာပူး၊ တူးေလာ့၊ ဇာရာဂိုဇာတို႔ရဲ႕ အဓိက ရွယ္ယာရွင္ေတြျဖစ္လာခ်ိန္မွာ RedBird ဟာ ၾကယ္ပြင့္ ကစားသမားေတြအတြက္ ရင္းႏွီးျမဳပ္ႏွံမႈ ကြန္ယက္ေတြကို စတင္ အသက္သြင္းဖြယ္ရွိျပီး ၄င္းတို႔ရဲ႕ အဓိက လမ္းေၾကာင္းကို ခ်ျပသြားမယ္လို႔ ယူဆခံေနရတာ ျဖစ္ပါတယ္။
