ဒီနွေမှာ ဆော်ဒီလိဂ်ထံ ဆာလာပြောင်းရွှေ့ဖို့ အခွင့်အရေးဟာ အင်မတန်ကို နည်းပါးပါတယ်လို့ သတင်းထောက် David Lynch က ဆိုပါတယ်။
ဘရန့်ဖိုဒ့် တိုက်စစ်မှူး တိုနေးဟာ ချယ်ဆီးကို ကျော်ပြီး အာဆင်နယ်ကို ရွေးချယ်လိုပေမယ့် ရာသီကုန်ထိတော့ အသင်းမပြောင်းလိုသေးပါဘူး။
စပါးအသင်းနဲ့ သတင်းကြီးနေတဲ့ ခံစစ်မှူး ဒါရာဂူဆင်ကို ဘိုင်ယန်မြူးနစ်က ကြားဖြတ် ကမ်းလှမ်းဖို့ ပြင်ဆင်လာနေပါပြီ။
အမ်ဘာပေကို လက်မှတ်ထိုးနိုင်မယ်လို့ ပီအက်စ်ဂျီဘက်က မျှော်လင့်နေဆဲ ဖြစ်ပါတယ်။ ရီးရဲလ်ဟာ ဒီလထဲမှာတင် ဘာပေနဲ့ သဘောတူညီမှု ရနိုင်ဖို့ အားထုတ်နေပါတယ်။
နယ်သာလန်ကလပ် PSV အသင်းဟာ ပယ်လစ္စထရီ ကို ဒီလထဲ အငှားခေါ်ယူချင်နေကြောင်း သတင်းထောက် ရိုမန်နိုက ဖော်ထုတ်လာပါတယ်။
PSV ဘက်က ယူနိုက်တက်ကို ချိတ်ဆက်မေးမြန်းနေပေမယ့် မန်ချက်စတာ ကလပ်ကတော့ ရာသီကုန်ထိ တောင်ပံ တိုက်စစ်သမား ပယ်လစ္စထရီကို ဆက်ထိန်းထားလိုနေပြီး ကစားသမား ဆန္ဒကို မေးမြန်းနေပါတယ်။
အာဆင်နယ်အသင်းဟာ နွေမှာ တိုက်စစ်ပိုင်းကို အဓိက အားဖြည့်မှာဖြစ်ကာ ဝုဗ်တိုက်စစ်မှူး နက်တိုကို စိတ်ဝင်စားနေဆဲ ဖြစ်ပါတယ်။
လီဗာပူး အသင်းပိုင်ရှင်တွေဟာ နွေတုန်းက ကစားသမားသစ်တွေအတွက် အများကြီး ရင်းနှီးမြုပ်နှံပေးထားပြီးဖြစ်လို့ ဇန်နဝါရီမှာ လူသစ် ခေါ်ယူဖို့ အခွင့်အရေး နည်းမယ်လို့ သိရပါတယ်။
ချယ်ဆီးတိုက်စစ်သမားဟောင်း ဗာနာဟာ စပါးအသင်းကို ရာသီကုန်ထိ အငှားစာချုပ်ဖြင့် ရောက်ရှိသွားပါပြီ။
အဲဗာတန်အသင်းဟာ သူတို့ရဲ့ ဘဏ္ဍာရေး အခြေအနေအရ အိုနာနာအတွက် ကမ်းလှမ်းလာမှုတွေကို နားထောင်သွားမှာ ဖြစ်ပေမယ့် အာဆင်နယ်အသင်းက အခုထိ တရားဝင် ကမ်းလှမ်းမှု မလုပ်ရသေးပါဘူး။
