အမ်ဘာပေဟာ ဒီနွေမှာ ရီးရဲလ်မက်ဒရစ်ထံ ကူးပြောင်းမှာ မဟုတ်ဘူးလို့ မက်ဒရစ် အဝတ်လဲခန်းက ယုံကြည်နေကြပါတယ်။

ဘာစီလိုနာဟာ ဘိုင်ယန်မြူးနစ် ကွင်းလယ်လူ ကမ်မစ်ကို ခေါ်ယူနိုင်မှာ မဟုတ်ပါဘူး။ ကစားသမားဟာ ရာသီကုန်ထိ ဘိုင်ယန်မှာပဲ ဆက်ရှိနေဖွယ် ရှိပါတယ်။

ဘိုင်ယန်မြူးနစ်ဟာ ဖူလ်ဟမ် ကွင်းလယ်လူ ပါလင်ညာကို ခေါ်ယူဖို့ အားထည့် ကြိုးစားသွားတော့မှာ မဟုတ်ဘဲ သူတို့ရဲ့ နွေပစ်မှတ်ကို မေ့လျော့လိုက်ဖို့ အသင့်ဖြစ်နေပါပြီ။

ယူနိုက်တက် တိုက်စစ်သမား ဆန်ချိုဟာ ဒေါ့မွန်ကို ထွက်ခွာသွားပြီဖြစ်ကာ ဒီအပတ် အကုန်မှာ ဘွန်ဒက်လီဂါကလပ်အတွက် စတင် ပွဲထွက်ပေးဖွယ် ရှိနေပါတယ်။

လီဗာပူး ဘယ်တောင်ပံသမား ကာဗာရိုဟာ ချန်ပီယံရှစ်ကလပ် ဟူးစီးတီးထံ ရာသီကုန်ထိ အငှားစာချုပ်ဖြင့် ရောက်ရှိသွားပါပြီ။

ဂျီနိုအာအသင်း ခံစစ်မှူး ဒရာဂူဆင်ဟာ ဘိုင်ယန်မြူးနစ်ထံ စပါးအသင်းထံ ပြောင်းဖို့ကိုပဲ ရွေးချယ်ခဲ့ကာ လက်ရှိမှာ လန်ဒန်ကို သွားနေပြီဖြစ်ပါတယ်။

အာဆင်နယ်ဟာ မက်ဆီလက်သစ် လို့ နာမည်ကြီးကာ ‘မက်ဆင်ဟို’ လို့ ခေါ်ကြတဲ့ ဘရာဇီး လူငယ်ကြယ်ပွင့်လေးကို ချိန်ရွယ်နေတဲ့ အသင်းတွေထဲ ပါဝင်နေကြောင်း စပိန် သတင်းတွေက ဖော်ပြလာပါတယ်။

လာလီဂါကလပ် ဆီးဗီးလာအသင်းဟာ ယူနိုက်တက် ကွင်းလယ်လူ ဟန်နီဘယ်လ်ကို ရာသီကုန်ထိ အငှားစာချုပ်ဖြင့် ခေါ်ယူသွားဖို့ စကားပြောနေပါပြီ။ နယ်သာလန်ကလပ် ပီအက်စ်ဗီကလည်း ပယ်လီစတရီကို အငှား ခေါ်ယူလိုနေပါတယ်။

ကွင်းလယ်လူ ပါကွီတာကို ၂ လ ဝန်းကျင် လက်လွတ်ရမယ့် ဝက်စ်ဟမ်း အသင်းဟာ ဇန်နဝါရီမှာ ကွင်းလယ်လူသစ် ခေါ်ယူရေး ကြိုးစားလာတော့မှာပါ။

တန်းဆင်းဇုန် ဖိအားတွေ ရင်ဆိုင်နေရတဲ့ အဲဗာတန်အသင်းဟာ ဇန်နဝါရီမှာ လူသစ် ခေါ်ယူရေးထက် ကစားသမား ရောင်းချမှုကိုပဲ အာရုံစိုက်သွားဖွယ် ရှိပါတယ်။