၂၀၂၃ ခုနှစ်ရဲ့ ဝင်ငွေစာရင်းတွေ ထွက်ပေါ်လာရာမှာ အာဆင်နယ်ဟာ ဝင်ငွေ အကောင်းဆုံး ဥရောပ ၁၀ သင်းစာရင်းထဲ နံပါတ် ၁၀ နေရာက ပါဝင်လာခဲ့ပါတယ်။

အာဆင်နယ်ကနေ ထွက်ခွာမယ် သတင်းထွက်နေတဲ့ ကီဝီအာကတော့ ပွဲကစားခွင့် ပိုရလိုပါကြောင်း ထုတ်ပြောလာပါတယ်။

ဘန်ဇီမာကတော့ ဇန်နဝါရီမှာ အာဆင်နယ်၊ ချယ်ဆီး၊ ယူနိုက်တက်တို့လို အသင်းတွေထံ သူပြောင်းလိုနေကြောင်း ပြင်သစ်သတင်းတွေ ဖော်ပြနေမှုကို သတင်းမှားအဖြစ် တုန့်ပြန်ပါတယ်။

ယူနိုက်တက် ကစားသမားဟောင်း ဖာဒီနန်က ဆောင်းရာသီ အားလပ်ရက်မှာ ဒူဘိုင်းသွားပြီး တူရကီ စားဖိုမှူး Salt Bae ရဲ့ ဧည့်ခံမှုနဲ့အတူ ပျော်ရွှင်နေတဲ့ အာဆင်နယ် နည်းပြအာတီတာရဲ့ လုပ်ရပ်ဟာ ညံ့ဖျင်းတယ်လို့ ဝေဖန်လိုက်ပါတယ်။

သူကတော့ ယူနိုက်တက် နည်းပြဟောင်း ဆာအဲလက်စ်နဲ့ မန်စီးတီးနည်းပြ ဂွာဒီယိုလာတို့ဟာ ဒီလို လုပ်ရပ်မျိုး ဘယ်တော့မှ မလုပ်ဘူးလို့ နှိုင်းယှဉ်ခဲ့ပါတယ်။

အာဆင်နယ်ဟာ တည်ကန်ဘောတွေ အထူးပြု လေ့ကျင့်ထားကြောင်း နည်းစနစ်ပိုင်း သုံးသပ်ချက်ကို ပရီးမီးယားလိဂ်ဘက်က ဖော်ထုတ်ခဲ့ပါတယ်။

ပဲလေစ့်ပွဲမှာ အာဆင်နယ်ရဲ့ အသင်းလိုက် လုပ်ရှားမှုတွေက တစ်ဆင့် ပရီးမီးယားလိဂ်က ထောက်ပြလာခဲ့တာဖြစ်ကာ ပရိသတ်တွေကတော့ ဒါမျိုး မလုပ်သင့်ဘူးလို့ မှတ်ချက်ပေးနေကြပါတယ်။

အီဂျစ်အသင်းနဲ့ ဂျပန်အသင်းတို့ သက်ဆိုင်ရာ ဖလားပြိုင်ပွဲမှာ နောက်အဆင့်တွေထံ တက်ရောက်သွားခဲ့ပါပြီ။ ကွင်းလယ်လူ အန်နီနီနဲ့ ခံစစ်သမား တိုမီယာဆုတို့ကလည်း အဆိုပါ ပြိုင်ပွဲမှာ ပါဝင်နေကြတာပါ။

ရီးရဲလ်ဆိုစီဒက်အသင်းမှာ အငှားထွက်ကစားနေတဲ့ တီယာနေးဟာ တံကောက်ကြော ဒဏ်ရာ ပြန်ရသွားခဲ့တယ်လို့ သိရပါတယ်။ သူဟာ ဒီရာသီမှာ အဆိုပါ ဒဏ်ရာနဲ့ပဲ ၂ လကြာ နားခဲ့ရပြီးပါပြီ။