လိုက်ဟဲဗီးဝိတ်ခါးပတ်ကို ကာကွယ်မယ်လို့ အောင်လအန်ဆန်က ထုတ်ဖေ်ာပြောထားပြီး အခုအခါမှာတော့ ပြိုင်ဖက်ထွက်ပေါ်လာပါပြီ။ မစ်ဒယ်ဝိတ်နဲ့ လိုက်ဟဲဗီးဝိတ်ရွှေခါးပတ်ချန်ပီယံ အောင်လအန်ဆန်အနေနဲ့ လာမယ့် ၂၀၁၉ မတ်လအတွင်း ခါးပတ်ကာကွယ်ပွဲတစ်ခု ထိုးသတ်သွားဖို့ ရှိပါတယ်။
အောင်လအန်ဆန်ရဲ့ လိုက်ဟဲဗီးဝိတ်ခါးပတ်ကို စိန်ခေါ်သူကတော့ ၂၀၁၈ ခုနှစ်တုန်းက အောင်လကို မစ်ဒယ် ဝိတ်ခါးပတ်ပွဲမှာ ရှုံးနိမ့်ခဲ့တဲ့ ဂျပန်လူမျိုး ဖိုက်တာ ကမ်ဟာဆီဂါဝါက ပြန်လည်စိန်ခေါ်ထားတာလို့ သိရပါတယ်။
ဒီသတင်းကိုတော့ Fight Game Aisa သတင်းဌာနက ထုတ်ပြန်ထားတာ ဖြစ်ပြီး One Championship ရဲ့ သတင်းထုတ်ပြန်ချက်အရ သိရတာလည်း ဖြစ်တယ်လို့ ဆိုထားပါတယ်။
အောင်လအန်ဆန်အနေနဲ့ ဒီပွဲကို ၂၀၁၉ မတ်လ ၃၁ ရက်နေ့မှာ ဂျပန်နိုင်ငံ တိုကျိုမြို့တွင် ထိုးသတ်သွားဖို့ အတွက်လည်း One Championshipက စီစဉ်ထားပြီး ဒီပွဲရဲ့ နာမည်ကိုတော့ A NEW ERA လို့ အမည်ပေးထား ပါတယ်။
အောင်လနဲ့ ကမ်တို့က ၂၀၁၈ ဇွန်လတုန်းက မြန်မာနိုင်ငံမှာ မစ်ဒယ်ဝိတ်ခါးပတ်အတွက် ထိုးသတ်ခဲ့ကြပြီး အဲ့ဒီ တုန်းကတော့ အောင်လက ၅ ချီမြောက်မှာ ပွဲသိမ်းလက်သီးနဲ့ အလဲထိုးပြီး ကမ်ကို အနိုင်ယူထားတာ ဖြစ်ပါတယ်။
လက်ရှိအချိန်မှာတော့ အောင်လအန်ဆန်နည်းတူ အခြား တွဲဆိုင်း ၅ ဆိုင်းလည်း ထွက်ပေါ်နှင့်ပြီလို့သိရပြီး ဒီထဲကမှ ခါးပတ် တွဲဆိုင်းတွေအဖြစ် အမျိုးသမီး ပြိုင်ပွဲမှာ စတားဝိတ်ချန်ပီယံ “The Panda” Xiong Jing Nan က အက်တမ်ဝိတ်ချန်ပီယံ အိန်ဂျလာလီနဲ့ ထိုးသတ်သွားမှာ ဖြစ်ပါတယ်။
ဒီတွဲဆိုင်းကတော့ ပြီးခဲ့တဲ့နိုဝင်ဘာလက စင်ကာပူမှာ ထိုးသတ်ဖို့ စီစဉ်ခဲ့ပေမယ့် လီရဲ့ ကျောကုန်းဒဏ်ရာကြောင့် ပွဲရပ်ထားရတဲ့ ပွဲလည်း ဖြစ်ပါတယ်။
နောက်ထပ် ခါးပတ် တွဲဆိုင်း တစ်တွဲကတော့ Eduard “Landslide” Folayan က ဂျပန်က Shinya “Tobikan Judan” Aoki နဲ့ လိုက်ဟဲဗီးဝိတ်ခါးပတ်ကို ထိုးသတ်သွားကြမှာ ဖြစ်ပါတယ်။
အောင်လအန်ဆန်ကတော့ မစ်ဒယ်ဝိတ်ခါးပတ်ကို ၂ ကြိမ်တိတိ ကာကွယ်ထားပြီး ကာကွယ်ထားနိုင်သလို အခု တစ်ကြိမ် လိုက်ဟဲဗီးဝိတ်ခါးပတ်ကတော့ ပြီးခဲ့တဲ့ ၂၀၁၈ နှစ်ဆန်းပိုင်းကတည်းက ဘရာဇီးသား မချာဒိုကို အနိုင်ယူပြီး ရယူထားတာ ဖြစ်ကာ ပထမဆုံး အကြိမ် ပြန်လည်ကာကွယ်တာလည်း ဖြစ်ပါတယ်။
