နန်းဆုရတီစိုးက အချစ်ရေးနဲ့ ပတ်သက်ပြီး အရမ်းကို ကံကောင်းသူလေးအဖြစ် ပရိသတ်တွေက အားကျနေရပါတယ်။ ဒါကြောင့် သူမခံယူထားတဲ့ အချစ်ရေးအကြောင်းလေးတွေကို Duwun ကနေတဆင့် ပြောပြထားတာလေးတွေ ပြန်လည် ဖော်ပြပေးလိုပါတယ်။ပာပြခဲ့ပါတယ်။
“နန်းဆုတို့ ခံယူထားတဲ့ အချစ်ကလေ သူအောင်မြင်နေတာ၊ သူအဆင်ပြေသွားတာကို ပြုံးပြီး ကြည့်နေချင်တာပေါ့နော်။ နှစ်ယောက်စလုံးကလေ ကိုယ်လုပ်ပေးလိုက်လို့ ပိုအောင်မြင်သွားရင် ပျော်တာပေါ့။ အဲ့ဒီလို စိတ်လေးတွေရှိကြတဲ့ အတွက် အချင်းချင်းကူညီပေးဖြစ်တာပါ ” လို့ သူက ဆိုပါတယ်။
G-Fatt နဲ့ နန်းဆုတို့ စုံတွဲလေးဟာ လက်ရှိမှာ ဂီတအလုပ်တွေလည်း အတူတူဆောင်ရွက်နေတာကို တွေ့ရပါတယ်။ အဲဒီနောက် တစ်ယောက်ရဲ့ လိုအပ်ချက်တိုင်းကို တစ်ယောက်က ဖြည့်ဆည်းပေးတတ်ကြတယ်လို့ Zoey Fashion ဆိုင်ဖွင့်ပွဲမှာ ဖြေဆိုခဲ့တာပါ။
” သူနဲ့ အတူတူသွား၊ အတူတူလာနေတဲ့အချိန်မှာ ကိုယ့်ရဲ့ အားနည်းချက်ကို တစ်ဖက်လူက ပိုပြီးသိတာပေါ့။ မှားတာရှိရင်လည်း ဒါကတော့ မလုပ်သင့်ဘူး မှားနေတယ်ဆိုပြီးတော့ ပြောပေးမယ့်သူတစ်ယောက်ရှိတော့ တော်သေးတာပေါ့။ ပြီးတော့ ဆုံးဖြတ်ချက်တွေလည်း အတူတူစဉ်းစားပြီးတော့ ဆုံးဖြတ်လို့ရသွားတာပေါ့။ တစ်ယောက်ရဲ့ လိုအပ်ချက်လေးတွေကို တစ်ယောက်ကဖြည့်ပေးတယ် ” လို့ ဆိုပါတယ်။
G-Fatt ကို ချစ်သူတစ်ယောက်အဖြစ် လက်တွဲဖြစ်ခဲ့တဲ့ အကြောင်းကိုလည်း နန်းဆုရတီစိုးက အခုလိုပြောပြလာပါတယ်။ G-Fatt ကြောင့်လည်း ပျော်ရွှင်ရတယ်လို့ ဆိုပါတယ်။
” အချစ်မှာ ပုံစံတွေ၊ Type တွေ၊ ပိန်တာ ဝတာတွေ၊ ငယ်တာ ကြီးတာတွေ ဘာမှမလိုဘူးလို့ ထင်တယ်။ ချစ်တဲ့ အချိန်မှာတော့ အဲဒါတွေ ဘာမှ မစဉ်းစားမိဘူး။ ကိုယ့်အကြောင်း သီချင်းရေးပါလို့လည်း မပြောဖူးဘူးပေါ့နော်။ သူကချည်းပဲ ရေးပြီး Surprise လာလာလုပ်တာပေါ့နော်။ အဲဒီလိုဆိုတော့လည်း ကိုယ်ပျော်တာပေါ့ ” လို့ ဆက်လက်ပြောပြထားပါတယ်။
G-Fatt နဲ့ နန်းဆုရတီစိုးတို့ရဲ့အချစ်ရေးကို ရူးအောင်ချစ်ရသူ သီချင်းနဲ့ ဆက်စပ်ပြီး ပရိသတ်တွေစိတ်ဝင်စားခဲ့တာဖြစ်ပါ တယ်။ နန်းဆုရတီ စိုး က လက်ရှိမှာ သီချင်းများဖန်တီးနေပြီးသီချင်းခွေအသစ်ထွက်ဖို့လည်းစီစဉ်နေတယ်လို့ သိရပါတယ်။ သူ့ရဲ့ ချစ်သူ GFatt ကလည်း ဂီတလောကထဲမှာ လူငယ်ကောင်မလေးတွေရဲ့အားပေးမှု အခိုင်အမာရရှိထားသူတစ်ဦးဖြစ်ပါတယ်။
