မြန်မာပြည်တစ်ဝန်းရှိ အခြေခံပညာရေးကျောင်းသား၊ ကျောင်းသူများ၏ အောင်စာရင်းကို ဧပြီ ၂၇ ရက်၊ နံနက် ၆ နာရီတွင် အခြေခံပညာရေးစာသင်ကျောင်းများ၌ ထုတ်ပြန်ပေးသွားမည်ဖြစ်ကြောင်း ပညာရေးဝန်ကြီးဌာနမှ သိရသည်။
“မြန်မာပြည်တစ်ဝန်းက အခြေခံပညာရေးကျောင်းသား၊ ကျောင်းသူတွေရဲ့ အောင်စာရင်းကို ဧပြီ ၂၇ ရက်မှာ အခြေခံပညာရေး စာသင်ကျောင်းတွေမှာ သက်ဆိုင်ရာကျောင်းအလိုက် အောင်စာရင်းကပ်ကြေညာပေးမယ်။
အခုအောင်စာရင်းက KG အတန်းမှ Grade 11 တန်းအထိ ကျောင်းသား၊ ကျောင်းသူတွေ အတွက်အောင်စာရင်း ထွက်မှာပါ။ Grade 12 မပါသေးပါဘူး။” ဟု ပညာရေးဝန်ကြီးဌာနမှ တာဝန်ရှိသူတစ်ဦးက ပြောသည်။
အဆိုပါ KG အတန်းမှ Grade 11 တန်းအထိရှိ ကျောင်းသား၊ ကျောင်းသူများ၏ အောင်စာရင်းကို သက်ဆိုင်ရာအခြေခံပညာကျောင်း အသီးသီးတွင် ထုတ်ပြန်ပေးသွားမည်ဖြစ်ကြောင်း သိရသည်။
ထို့ပြင် တက္ကသိုလ်ဝင်တန်း (Grade 12) စာမေးပွဲအောင်စာရင်းကို လာမည့်မေ လအတွင်း ထုတ်ပြန်ကြေညာပေးသွားမည်ဖြစ်ကြောင်း ပညာရေးဝန်ကြီးဌာနမှ တာဝန်ရှိသူတစ်ဦးက ပြောသည်။