လီဗာပူး ညာအစွန်လူ ဘရတ်ဒလေဟာ မြောက်အိုင်ယာလန်အသင်းနဲ့ ရိုမေးနီးယားအသင်းတို့ ၁-၁ သရေကျတဲ့ပွဲစဉ်မှာ ပြသခဲ့တဲ့ ခြေစွမ်းအတွက် ချီးကျူးခံနေရပါတယ်။
ဘရတ်ဒလေဟာ ညာခြမ်းမှာ အတက် အဆင်း ကစားရတဲ့ နေရာသစ်ကနေ ပါဝင်ခဲ့ရခြင်းဖြစ်ကာ တိုက်စစ်အတွက်ကော ခံစစ်အတွက်ပါ သက်ရောက်မှု ကြီးမားခဲ့ပါတယ်။ အိုင်ယာလန်ရဲ့ အဖွင့်ဂိုးအတွက် အရေးပါတဲ့ ဘောလုံးပိုင်ဆိုင်မှု ပြန်ထိန်းသိမ်းခြင်းကိုလည်း လုပ်ပေးနိုင်ခဲ့တယ်။
ပွဲစဉ်ရဲ့ အကောင်းဆုံး ကစားသမားအဖြစ်ကော ပွဲပြီး rating မှာ 9/10 အထိ ရခဲ့တဲ့ ဘရတ်ဒလေကို အိုင်ယာလန်ပရိသတ်တွေကတော့ လှုပ်အားနှုန်း ကောင်းမွန်ပြီး ထူးချွန်တဲ့ အသင်းသားအဖြစ် မှတ်ချက်ပေးပါတယ်။
Telegraph ကတော့ သူ့ကို ‘magical’ လို့ တင်စားခဲ့ကာ ကစားသမားရဲ့ စိတ်ဓါတ်ပိုင်းအတွက်ကော အရည်အချင်းကိုပါ အထင်ကြီးမှတ်ချက်တွေ ပေးခဲ့ပါတယ်။
ဘရတ်ဒလေဟာ ဒီရာသီ ထရန့် ဒဏ်ရာရနေစဉ် လီဗာပူးအသင်းမှာ နေရာရလာနေသူဖြစ်ကာ မကြာသေးခင်ကပဲ ကာလရှည် စာချုပ်ပါ ရရှိထားတာ ဖြစ်ပါတယ်။
