ပွဲကြိုအချက်အလက်များ
– မန်စီးတီးဟာ ၂၀၁၆ ဖေဖော်ဝါရီလမှာ လက်စတာနဲ့ စပါးတို့ကိုအယ်တီဟက်မှာ ရှုံးနိမ့်ခဲ့ပြီးနောက် အိမ်ကွင်းပွဲစဉ် ဆက်တိုက်ရှုံးနိမ့်ထားခြင်းမရှိတော့ဘူးလို့သိရပါတယ်။ ဂွာဒီယိုလာဟာလည်း နည်းပြဘဝမှာ တစ်ခါမှ အိမ်ကွင်းပွဲဆက်ရှုံးနိမ့်ထားခြင်းမရှိခဲ့ဘူးလို့ သိရပါတယ်။
– မန်စီးတီးဟာ နှစ်သစ်အကူးအပြောင်းမှာ ပထမဦးဆုံးကစားတဲ့ပရီးမီးယားလိဂ်ပွဲစဉ် နောက်ဆုံး (၁၂) ပွဲမှာ (၁၁) ပွဲအထိ အနိုင်ရရှိအောင်စွမ်းဆောင်ထားတယ်လို့ သိရပါတယ်။
– လစ်ဗာပူးလ်အသင်းဟာ ဇန်နဝါရီလတွေထဲမှာ နောက်ဆုံးကစားခဲ့တဲ့ ပြိုင်ပွဲစုံ (၁၇) ပွဲမှာ (၅) ပွဲသာ အနိုင်ရရှိအောင်စွမ်းဆောင်နိုင်ခဲ့ပြီး (၅)ပွဲသရေ၊ (၇) ပွဲအထိ ရှုံးနိမ့်ခဲ့ပါတယ်။ နည်းပြယာဂင်ကလော့ပ်လက်ထက်မှာတော့ လစ်ဗာပူးလ်ဟာ ဇန်နဝါရီလတွေထဲမှာ ပြိုင်ပွဲစုံ (၂၄) ပွဲကစားခဲ့ရာမှာ (၉)ပွဲအထိ ရှုံးနိမ့်ခဲ့ပြီး (၈) ပွဲနိုင်၊ (၇) ပွဲသရေကျထားတယ်လို့ သိရပါတယ်။
– ၂၀၁၈ အကုန်မှာ လစ်ဗာပူးလ်ဟာ ဒုတိယနေရာက မန်စီးတီးကို (၇)မှတ်ဖြတ်ထားပါတယ်။ ပရီးမီးယားလိဂ်မှာ ဒီလိုအနေအထားမျိုးနဲ့ ရာသီဝက်ချန်ပီယံဖြစ်ခဲ့တဲ့ ဘယ်အသင်းမဆို နှစ်သစ်ကိုရောက်ရှိလာတဲ့အချိန်မှာ အမှတ်ပေးဖလားနဲ့လွဲချော်ခဲ့တဲ့ အသင်းမရှိသေးဘူးလို့ သိရပါတယ်။
– မန်စီးတီးတိုက်စစ်မှူး အဂွေရိုဟာ လစ်ဗာပူးလ်ကို အိမ်ကွင်းမှာ တွေ့ဆုံခဲ့တဲ့ ပရီးမီးယားလိဂ်ပွဲစဉ်(၆)ပွဲစလုံးမှာ ဂိုးသွင်းယူနိုင်ခဲ့ပါတယ်။
– လစ်ဗာပူးလ်ကြယ်ပွင့် ဆာလာဟာ မန်စီးတီးနဲ့နောက်ဆုံးကစားခဲ့တဲ့ပွဲစဉ်(၄)ပွဲမှာ သွင်းဂိုး(၅)ဂိုးအထိ ပါဝင်ပတ်သက်ထားပြီး (၃)ဂိုးသွင်းကာ (၂) ဂိုးဖန်တီးထားတာ ဖြစ်ပါတယ်။
– လစ်ဗာပူးလ်တိုက်စစ်မှူး ဖာမီနိုဟာလည်း မန်စီးတီးနဲ့ တွေ့ဆုံခဲ့တဲ့ ပွဲစဉ်ပေါင်း(၇)ပွဲမှာ (၆)ဂိုးအထိ တိုက်ရိုက်ပါဝင်ထားပြီး (၃)ဂိုး သွင်းကာ (၃) ဂိုးဖန်တီးထားတယ်လို့ သိရပါတယ်။
ပရီးမီးယားလိဂ် ပွဲစဉ် (၂၁) ရဲ့ အကောင်းဆုံးသောပွဲစဉ်အဖြစ် လာမယ့် ကြာသပတေးနေ့ညမှာတော့ မန်ချက်စတာစီးတီးအသင်းဟာ လစ်ဗာပူးလ်ကို အယ်တီဟက်ကွင်းမှာ လက်ခံကစားသွားရမှာ ဖြစ်ပါတယ်။ လက်ရှိအချိန်မှာတော့ နည်းပြယာဂင်ကလော့ပ်ရဲ့ လစ်ဗာပူးလ်ဟာ အမှတ်ပေးဇယားကို ဦးဆောင်နေပြီး ဒုတိယနေရာက နည်းပြဂွာဒီယိုလာရဲ့ မန်စီးတီးအသင်းကို (၇)မှတ်အထိဖြတ်ထားပါတယ်။ လက်ရှိချန်ပီယံ မန်စီးတီးအနေနဲ့ ဖလားလမ်းကြောင်းမှာ ဆုဖလားကို ကာကွယ်ချင်တယ်ဆိုရင်တော့ လာမယ့်ပွဲစဉ်မှာ လစ်ဗာပူးလ်ကို အနိုင်ကစားပြီး ရမှတ်(၃)မှတ် ပြန်လည်ကျဉ်းမြောင်းအောင် လုပ်ဖို့ လိုအပ်နေပါတယ်။ လစ်ဗာပူးလ်အနေနဲ့လည်း နှစ်ပေါင်းများစွာဝေးကွာနေတဲ့ အမှတ်ပေးဖလားကို ဆွတ်ခူးနိုင်ဖို့ ပြင်းပြတဲ့ဆန္ဒတွေရှိနေတာကြောင့် လာမယ့်ပွဲစဉ်ဟာအကြိတ်အနယ်ရှိမယ့်ပွဲစဉ်တစ်ပွဲ ဖြစ်လာမှာ အမှန်ပဲဖြစ်ပါတယ်။
ကစားမည့်အချိန် – ကြာသပတေးည (သောကြာမနက်) ၂း၃၀ နာရီ။
ထိပ်တိုက်တွေ့ဆုံမှု မှတ်တမ်း
မန်ချက်စတာစီးတီးဟာ လစ်ဗာပူးလ်နဲ့ နောက်ဆုံးတွေ့ဆုံခဲ့တဲ့ ပြိုင်ပွဲစုံ (၁၁)ပွဲမှာ (၁)ပွဲသာ အနိုင်ရရှိခဲ့ပြီး (၃)ပွဲသရေ၊ (၇)ပွဲ အထိ ရှုံးနိမ့်ထားပါတယ်။ ဒါပေမယ့်လည်း မန်စီးတီးအနိုင်ရရှိခဲ့တဲ့ အဆိုပါတစ်ပွဲကတော့ အရင်ရာသီက ကစားခဲ့တဲ့ ပွဲဖြစ်ပြီးလစ်ဗာပူးလ်ကို (၅-၀)ဂိုးနဲ့ အနိုင်ပိုင်းခဲ့တာဖြစ်ပါတယ်။ လစ်ဗာပူးလ်ဟာ မန်စီးတီးကွင်းကို နောက်ဆုံးသွားရောက်ကစားခဲ့တဲ့ ပရီးမီးယားလိဂ်ပွဲစဉ် (၉)ပွဲမှာ(၁) ပွဲသာ အနိုင်ရရှိခဲ့ပြီး (၃) ပွဲသရေ၊ (၅) ပွဲရှုံးနိမ့်ထားပါတယ်။ လစ်ဗာပူးလ်အနိုင်ရရှိခဲ့တဲ့ ပွဲစဉ်ကတော့နည်းပြကလော့ပ်ရဲ့ ပထမဦးဆုံးသော အဝေးကွင်းပွဲစဉ်ဖြစ်ပြီး မန်စီးတီးကို (၄-၁) ဂိုးနဲ့အနိုင်ရရှိခဲ့တာဖြစ်ပါတယ်။ ဂွာဒီယိုလာဟာသူ့ရဲ့နည်းပြဘဝမှာ ယာဂင်ကလော့ပ်ကို (၇)ပွဲအထိ ရှုံးနိမ့်ခဲ့ပြီး ဒီပမာဏဟာ အခြားသောနည်းပြတွေကို ရှုံးနိမ့်ခဲ့တာထက် ပိုများတဲ့ ပမာဏဖြစ်တယ်လို့ သိရပါတယ်။ အဲဒီထဲမှာမှ ပွဲစဉ်(၂)ပွဲဟာ ဂွာဒီယိုလာအတွက် အိမ်ကွင်းပွဲစဉ်တွေဖြစ်တယ်လို့သိရပါတယ်။
ဒဏ်ရာရ ပွဲပယ် ကစားသမားစာရင်း
မန်ချက်စတာစီးတီး – ဘင်ဂျမင်မန်ဒီ၊ ဘရာဗို၊ ကယ်ဗင်ဒီဘရိုင်း။
လစ်ဗာပူးလ် – မိုရီနို၊ ချန်ဘာလိမ်၊ ဆိုလန်ကီ၊ ဂျိမ်းစ်မီလ်နာ (ပါဝင်လာနိုင်)၊ ဂျိုယယ်မာတစ်။
ပွဲကြိုသုံးသပ်ချက်နှင့် ခန့်မှန်းရလဒ်
လစ်ဗာပူးလ်ဟာ လက်ရှိရာသီမှာတော့ ဖလားလမ်းကြောင်းပေါ်မှာ အကောင်းဆုံးအနေအထားကိုရောက်ရှိနေပါတယ်။ပွဲပေါင်း (၂၀)မှာ (၄၈) ဂိုးသွင်းယူထားပြီး (၈)ဂိုးပဲပေးထားရတာကို ကြည့်ချင်းအားဖြင့် ဆာလာ၊ မာနေး၊ ဖာမီနို၊ ရှာကီရီတို့ရဲ့ တိုက်စစ်တွဲလုံးက ကောင်းမွန်နေသလို ဗန်ဒိုက်ဦးဆောင်တဲ့ ခံစစ်တန်းနဲ့ ဂိုးသမားအလစ်ဆင်တို့ဟာ တော်တော်လေး ချီးကျူးဖို့ကောင်းနေတာကို တွေ့ရပါတယ်။ ဒီထက် ပိုအရေးကြီး တာက ကစားသမားတွေရဲ့စိတ်ဓာတ်ပိုင်းဆိုင်ရာပဲဖြစ်ပါတယ်။ လစ်ဗာပူးလ်ကစားသမားတွေဟာ တစ်ပွဲချင်းစီကိုသာ အာရုံစိုက်ကစားနေပြီး ပွဲတိုင်းမှာလည်း အနိုင်ရလိုတဲ့စိတ်နဲ့ ပြင်းပြင်းထန်ထန်ကစားနေတာကို တွေ့ရပါတယ်။ လာမယ့်ပွဲမှာသာ မန်စီးတီးကို အနိုင်ရရှိသွားမယ် ဆိုရင်တော့ အမှတ်ပေးဖလားဟာ သူတို့နဲ့မဝေးတော့ပါဘူး။
မန်ချက်စတာစီးတီးဟာ ပဲလေ့စ်နဲ့ လက်စတာတို့ကို မထင်မှတ်ထားပဲ ရှုံးနိမ့်ခဲ့တဲ့နောက် ဆောက်သမ်တန်နဲ့ အဝေးကွင်းပွဲစဉ်မှာတော့ အကောင်းဆုံးပြန်လာနိုင်ခဲ့ပါတယ်။ ဖာနန်ဒင်ဟိုနဲ့ ကွန်ပနီတို့ ပြန်ကစားပေးနိုင်ခဲ့တာဟာ မန်စီးတီးအတွက်တော့အင်အားတစ်ရပ်ဖြစ်ပါတယ်။ လာမယ့်ပွဲစဉ်မှာ လစ်ဗာပူးလ်ကိုသာ အရေးနိမ့်ခဲ့ရင် ဖလားလမ်းကြောင်းမှာ (၁၀)မှတ်အထိပြတ်သွားမှာ ဖြစ်ပြီး နောက်ကနေလိုက်ဖို့ တော်တော်လေးကို ခက်ခဲတဲ့ အခြေအနေကို ရောက်ရှိသွားမှာ ဖြစ်ပါတယ်။ အဲဒါကြောင့် ဂွာဒီယိုလာရဲ့ မန်စီးတီးအနေနဲ့ အိမ်ကွင်း လည်းဖြစ်တာကြောင့် အနိုင်ရလဒ်ကိုသာ ဦးတည်ပြီးကစားလာနိုင်ပါတယ်။ ဒါပေမယ့်လည်း လက်ရှိရာသီမှာ ပုံစံပြောင်းလာတဲ့ ကလော့ပ် ရဲ့လစ်ဗာပူးလ်အနေနဲ့ မန်စီးတီးကို အနိုင်ရရှိဖို့ထက်စာရင် မရှုံးနိမ့်ဖို့ကိုသာ ဦးစားပေးယှဉ်ပြိုင်သွားနိုင်ပါတယ်။
ခန့်မှန်းရလဒ်။ ။ မန်စီးတီး ၂ – ၂ လစ်ဗာပူးလ်။
